超級浪費人生寶貴時間，丫仁睇咗5套爛片！橋本環奈真係有可能封爛片皇后👸🏻好多都係由動畫改編到電影，可惜完全冇晒動畫嘅感覺！節奏散又無聊🥱丫仁以下介紹嘅5套戲大家可以完全唔需要睇，因為真係好無聊！完全係浪費自己嘅時間～
① grand blue 碧藍之海
真人版真係一啲都唔好笑，而且淨係體肉為主！應該係想推另一班小鮮肉出嚟而做嘅片，一班男人着丁字褲喺度跳舞真係好睇咩？劇情由動畫抽出少少拼湊出來拍，散到裂！
② 阿宅的戀愛太難了
喊出嚟！點解會變咗歌舞劇？係咪因為La La Land嘅影響？破壞晒成件事，動畫不知幾好睇！電影版真係不知所謂，而且高畑充美竟然木口木面做唔到原本成海嘅陽光氣息🙊但係反而對山崎賢人有少少改觀，其自然！
③ 午夜0時之吻
睇到小弟火遮眼，完全係白馬王子灰姑娘嘅情節！根本就冇唔會喺現實世界發生🤫橋本環奈做普通嘅女高中生？根本冇可能，你搵其他平凡樣會比較好啲～
④ 輝夜姬想讓人告白天才們的戀愛頭腦戰
救命！呢套我係skip住黎睇，因為真係好悶好無聊。戲中女二把聲尖到再調低音量20度
⑤ 他
呢套戲真係更加唔知想點！拖戲亂剪睇男主角一味好可憐好想喊咁嘅樣～第二男主角同前妻嗰條線比較好睇
Search